Shoferët zviceranë, të tretët në Evropë për ngasje nën ndikim të alkoolit

Nga 1000 personat e anketuar në mesin e shoferëve zviceranë, 17 për qind kanë deklaruar vetë se në maujin paraprak kanë vozitur automjetin përkundër faktit se kanë konsukmuar më shumë alkool se sa është e lejuar

Zviceranët konsiderohen të disiplinuar në çdo aspekt, por duket se të tillë nuk janë sa i përket ngasjes së makinave. Një studim i realizuar në nivel evropian rreth shprehisë së vozitjes nën ndikimin e alkoolit ka konstatuar se zviceranët janë diku afër kulmit të listës.

Siç bën të ditur Zyra Këshillimore për mbrojtje nga aksidentet (Bfu), Zvicra është në vendin e tretë në këtë drejtim në Evropë, përcjell albinfo.ch. Më shumë të dhënë pas alokoolit janë vetëm shoferët belgë dhe ata francezë, bie në përfundim studimi.

Lista e «mëkatarëve» të alkoolit në trafik është bërë duke u bazuar në anketimin e bërë në terren. Nga 1000 personat e anketuar në mesin e shoferëve zviceranë, 17 për qind kanë deklaruar vetë se në maujin paraprak kanë vozitur automjetin përkundër faktit se kanë konsukmuar më shumë alkool se sa është e lejuar.

Siç u tha më lartë, më shumë se zviceranët kanë pirë alkool vetëm kolegët e tyre francezë dhe belgë. Ndërsa dukshëm më mirë në këtë aspekt qëndrojnë shoferët finlandezë. Nga të anketuarit në atë vend, vetëm 1 për qind kanë theksuar se kanë vozitur nën ndikim të alkoolit.

Në Finlandë rreziku për t`u kontrolluar përqindja e alkoolit të shoferëve në trafik është dukshëm më i madh se sa në Zvicër, është konstatim i studimit.