Shoferët me alkool në gjak, te psikiatri

Kush kapet në komunikacion me më shumë se 2.5 promilë të alkoolit në gjak, duhet të dërgohet detyrimisht te psikiatri për ekspertizë

^{Në kantonin Aargau, ngasësit e veturave që zihen me sasi të tepërt të alkoolit në gjak gjithnjë më shpesh përfundojnë në test psikiatrik. Vitin e kaluar janë bërë 434 ekspertiza të cilat kanë detyruar personat në fjalë për të dëshmuar para psikiatrit aftësinë e tyre pe¨r ngasje. Në dhjetë vitet e kaluara mesatarisht kanë qenë nga 290 raste të tilla, shkruan “aargauer Zeitung”.}

^{Ekspertë të ndryshëm të komunikacionit konsiderojnë se kriteret janë së tepërmi të ashpra. Por kantoni arsyetohet se në ketë ëndë vetëm është duke zbatuar kriteret e vendosura me një program të sigurisë të përpiluar nga federata.}

^{Sipas tij, kush kapet në komunikacion me më shumë se 2.5 promilë të alkoolit në gjak, duhet të dërgohet detyrimisht te psikiatri për ekspertizë. Po ashtu edhe ata që zihen tri herë brenda dhjetë vitesh me 0.8 promilë bëhet objekt trajtimi psikiatrik.}

^{Madje nga 1 korriku i këtij viti, sipas pakos së dytë të masave “Via Secura”, ky kriter do të ashpërsohet edhe më tepër. Atëherë do të mjaftojnë 1.6 promilë alkool në gjak që një shofer të dërgohet në psikiatri për të testuar aftësinë e tij për ngasje. Veç detyrimit si të tillë, shoferët në fjalë duhet edhe të paguajnë deri në 1100 franga.}