Shkupi nuk lëviz nga lista e 10 qyteteve më të ndotura në botë

Masat e autoriteteve lokale nuk kanë dhënë efekt dhe niveli i lartë i ndotjes së ajrit ka rritur numrin e pacientëve nëpër spitale që ankohen për problemet e frymëmarrjes, shkruajnë mediat në Shkup, përcjell albinfo.ch.

Alarmante është situata në kryeqytetin e vendit. Megjithëse autoritetet thanë se masat kundër ndotjes hynë në fuqi, Shkupi nuk lëviz nga lista e qyteteve më të ndotura, qytetarët e Shkupit janë ende të mbytur në ajër shumë të ndotur.

Të dhënat nga stacionet matëse të cilësisë së ajrit në Shkup për disa ditë tregojnë se përqendrimet e matura të grimcave të rrezikshme tejkalojnë numrin maksimal të lejuar. Kryetari i Shkupit, Shilegov, ende nuk ka idenë se si të përballojë ndotjen, edhe pse para zgjedhjeve kanë thënë se do të zbatojnë masa urgjente për të reduktuar ndotjen.

Qytetarët ndihen të zhgënjyer që përkundër premtimeve të masave emergjente dhe ajrit të pastër, ende nuk ka asgjë për t’u bërë për të zgjidhur problemin e ajrit të ndotur.