Lajme
Shkrirja ekstreme e akullnajave rrit rrezikun e përmbytjeve
Hulumtimi më i fundit nga Universiteti Leeds paraqet se ngrohja globale po përshpejton në mënyrë ekstreme shkrirjen e akullnajave në Groenlandë dhe kjo dukuri është bërë më intensive gjatë 40 vjetëve të fundit, duke rritur kështu nivelin e deteve dhe rrezikun e përmbytjeve në mbarë botën.
Vetëm gjatë dekadës së fundit, 3.5 trilionë tonë akull janë shkrirë dhe depozituar në oqean.
Kaq akull i shkrirë mjafton për të mbuluar të gjithë Mbretërinë e Bashkuar me rreth 15 m ujë ose të mbulojë të gjithë qytetin e Nju-Jorkut.
Gjetjet zbulojnë se uji i përftuar nga shkrirja e akullnajave në Groenlandë është rritur me 21% gjatë 4 dekadave të fundit.
Gjithashtu, studimi tregon se gjatë dekadës së fundit (2011-2020), shkrirja e ujit në Groenland e ka ngritur nivelin global të detit me 1 cm.
1/3 e këtij totali u prodhua në vetëm 2 vera të nxehta (2012 dhe 2019), kur moti ekstrem çoi në nivele rekord të shkrirjes së akullnajave.
Nivelet e ngritura të detit të shkaktuara nga shkrirja e akullnajave rrisin rrezikun e përmbytjeve për komunitetet bregdetare në mbarë botën, prishin ekosistemet detare, si dhe ndikojnë në kushtet e motit.
Ndërkohë ngrohja globale ndikon edhe në dukuri të tjera natyrore, si p.sh. cunamet.
Organizata e Kombeve të Bashkuara publikoi një raport në vitin 2020, ku tregoi se cunamet brenda 10 vjetëve do të arrijnë dimensione që do të kërcënojë 50% të popullsisë së botës.
Sri Lanka, India, Indonezia, Tajlanda dhe Japonia janë të parat në mesin e vendeve që ndikohen më së shumti nga cunamet./Euronews
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit












