Shkodran Mustafi, në videoklipin e Ardian Bujupit

Shkodran Mustafi ka shoqëri prej kohësh me Ardian Bujupin. Ata shpeshherë janë parë në takime të ndryshme. Megjithatë, ata së bashku do të paraqiten edhe në këngën e re “Ewig” të Ardian Bujupit.

Shkodrani, kampioni i kupës së botës me Gjermaninë, ka thënë se këtë veprim e ka bërë për ta mbështetur menaxherin e Ardianit, Sergej Rezvanov, i cili po vuan nga leukemia.

“Kur Sergej me dëshirë më është afruar mua që të jam pjesë e kësaj video, e kam pranuar menjëherë. E kam vërejtur se për atë kjo ishte një ëndërr dhe kjo video do të jetë një motivim në luftën me sëmundjen e tij”, ka thënë Mustafi për “bild.de”, njofton albinfo.ch.

Shkodran Mustafi është i lindur në Bad Hersfeld të Gjermanisë, e me prejardhje nga Gostivari. Ai së bashku më përfaqësuesen gjermane arriti të shpallej kampion bote në vitin 2014. Që nga ky vit është në kontratë me ekipin spanjoll Valencia, ku paraqitjet e tij si mbrojtës në fushë janë vlerësuar me nota të larta.

Ndërkohë Ardian Bujupi u bë i njohur në talent shown “DSDS”, i cili në vitin 2011 arriti të zërë vendin e tretë. Pas këtij talent show, Ardiani ka bërë shumë këngë dhe videoklipe qoftë për tregun shqiptar, ashtu edhe atë gjermanofolës. Kënga më e re e tij “Ewig” do të lansohet më 12 qershor