Shënojnë vetëm Sadiku e Hyka

Të gjithë futbollistët shqiptarë kanë luajtur këtë fundjavë në Superligën zvicerane, ndërsa vetëm Sadiku ka shënuar për Thunin dhe Hyka për Lucernin

Mesfushori shqiptar, Jahmir Hyka, ka shënuar golin e vetëm në humbjen që skuadra e tij, Luzern, e ka pësuar të dielën në udhëtim nga St. Galleni i Kristian Nushit e Emir Lenjanit, me rezultatin 4:1.

Ndeshja ishte e vlefshme për xhiron e shtatë të Superligës së Zvicrës në futboll, transmeton Koha. Hyka realizoi golin e tij në minutën e 64-t, katër minuta pasi u inkuadrua në lojë. Nushi ndërkohë asistoi në golin e parë për St. Gallenin në minutën e 22-të dhe luajti 55 minuta.

Për St. Gallenin luajti tërë ndeshjen Emir Lenjani dhe u ndëshkua me karton të verdhë. Për Thunin të dielën ka shënuar një gol dhe ka asistuar një tjetër sulmuesi Berat Sadiku, në fitoren 4:1 ndaj Lausannes.

Sadiku realizoi golin e parë të ndeshjes në minutën e 5-të dhe asistoi në të katërtin në minutën e 79-të. Ai luajti tërë ndeshjen. Baseli i Taulant Xhakës e Arlind Ajetit ka fituar të dielën në shtëpi në derbin ndaj

 Young Boysit me rezultatin 2:1. Xhaka luajti tërë ndeshjen dhe u ndëshkua me karton të verdhë, ndërsa Ajeti u inkuadrua nga minuta e 82-të. Sioni i Beg Feratit e Vullnet Bashës ka shënuar fitoren e parë sezonale.

Sioni triumfoi në udhëtim ndaj Aaraut me rezultatin 1:0. Ferati luajti tërë ndeshjen dhe u “zverdh”, ndërsa Basha u aktivizua nga minuta e 70-të.