Shefja e BAG, Lévy: “Unë nuk kam mirëkuptim për ata që nuk vaksinohen”

Lévy nuk ka mirëkuptim për të pavaksinuarit. Pavarësisht kësaj, ajo e bën të qartë se vaksinimi është “një vendim privat” dhe se kështu duhet të mbetet

Varianti i ri i Corona Omikron është një shqetësim i madh për Zyrën Federale të Shëndetit Publik (BAG). Tani është e rëndësishme që të thyhet vala e virusit të variantit delta sa më shpejt të jetë e mundur, thotë drejtoresha e BAG,  Anne Lévy në një intervistë për “Sonntagsblick”.

Varianti Omikron, më së voni deri në fillim të vitit që vjen, mund të bëhet dominues. Prandaj ka nevojë për hapësirë ​​në spitale, transmeton albinfo.ch. Zvicra duhet të jetë gati për valën Omikron.

Për këtë arsye, Lévy mirëpret një rregullore mbarëkombëtare 2G, pasi Këshilli Federal ua ka dërguar atë për konsultim kantoneve, të premten.

Për shkak të numrit në rritje të rasteve, Zvicra nuk mund t’i shmanget kësaj mase, ka shtuar ajo. Rregulli 2G u ofron njerëzve të vaksinuar dhe të shëruar pak siguri.

Lévy nuk ka mirëkuptim për të pavaksinuarit. Pavarësisht kësaj, ajo e bën të qartë se vaksinimi është “një vendim privat” dhe se kështu duhet të mbetet.

“Unë nuk mendoj se mund të bëjmë që shumë kundërshtarë të vaksinimit të rimendojnë vendimin e tyre nëse vaksinimin do ta bënim të detyrueshëm” thekson Lévy.

“Shteti nuk ka zgjidhje tjetër veçse të pranojë vendimin e tyre.

---