Shefi i NATO-s sot në Bosnjë-Hercegovinë, nesër në Kosovë

Foto sc FB: MinPres Mark Rutte

Sekretari i Përgjithshëm i NATO-s, Mark Rutte, pritet ta vizitojë Kosovën të martën, teksa sot do të qëndrojë në Bosnjë-Hercegovinë.

Kjo është vizita e tij e parë që kur Rutte mori postin e Shefit të NATO-s, gjë që është bërë e ditur përmes një komunikate për media, përcjell albinfo.ch.

Gjatë vizitës në Bosnjë-Hercegovinë, Rutte do të takojë zyrtarë të nivelit të lartë, përfshirë kryesuesin dhe anëtarët e Presidencës, Kryetarin e Këshillit të Ministrave, Ministrin e Punëve të Jashtme, atë të Mbrojtjes dhe Ministrin në deytrë të Sigurisë.

Kjo vizitë do të zhvillohet pas tensioneve në këtë shtet, ku presidenti i Republikës Serbe, Millorad Dodik, mbrëmjen e 5 marsit ka nënshkruar dekretet për shpalljen e ligjeve jokushtetuese, të miratuara në Kuvendin e këtij entiteti të Bosnjë-Hercegovinës, me të cilat ndalohet veprimtaria e Gjykatës dhe Prokurorisë së Bosnjë e Hercegovinës, Agjencisë Shtetërore për Hetime dhe Mbrojtje (SIPA) dhe Këshillit të Lartë Gjyqësor dhe Prokurorial të Bosnjës (VSTS). Ky dekret ka ngjallur reagime të shumta ndërkombëtare.
Pas kësaj vizite, Rutte pritet të arrijë në Kosovë bashkë me ambasadorët e NATO-s, ku do të takohet me presidenten e Kosovës, Vjosa Osmani dhe kryeministrin Albin Kurti.