SHBA ka kryer mbi 75 sulme ajrore ndaj IS në Siri

Keystone (IHA via AP)

Presidenti i Shteteve të Bashkuara të Amerikës, Joe Biden ka paralajmëruar grupin e Shtetit Islamik që të mos përpiqet të përfitojë nga çdo vakum i krijuar nga tranzicioni i pushtetit në Siri.

Ai ka bërë të ditur se SHBA-ja ka kryer rreth dhjetëra “sulme ajrore precize” brenda Sirisë kundër objektivave të IS-it sot.

Komanda Qendrore e SHBA (Centcom) – përgjegjëse për interesat e SHBA në Lindjen e Mesme, Azinë Qendrore dhe Jugore, ka dhënë detaje për këto sulme.

Centcom thotë se SHBA kreu më shumë se 75 sulme ajrore të dielën, në një përpjekje për të “eliminuar kampet e ISIS në Sirinë qendrore”, transmeton albinfo.ch.

Sipas njoftimit, nuk ka “indikacione për viktima civile”.

“Nuk duhet të ketë asnjë dyshim – ne nuk do të lejojmë që ISIS të rindërtohet dhe të përfitojë nga situata aktuale në Siri”, tha gjenerali Michael Erik Kurilla, komandanti i Centcom.

“Të gjitha organizatat në Siri duhet të dinë se ne do t’i mbajmë ato përgjegjëse nëse ata janë partnerë ose mbështesin ISIS-in në çfarëdo mënyre”, shtoi Kurilla.