Shaqiri & Co pa Xhakën kundër Lituanisë

Për ndeshjet e radhës nga gara e kualifikimeve për Kampionatin Evropian, përzgjedhësi Petkoviq ka ftuar pesë futbollistë shqiptarë në përfaqësuesen e Zvicrës. Skuadrës do t‘i mungojë Xhaka

Në listën e futbollistëve të ftuar për ndeshjen e ardhshme kualifikuese për Euro 2016 kundër Lituanisë, dhe miqësoren me Poloninë figurojnë pesë futbollistë shqiptarë: Valon Behrami, Blerim Xhemaili, Xherdan Shaqiri, Pajtim Kasami dhe Admir Mehmedi.

Skuadrës zvicerane do t’i mungojë i lënduari Granit Xhaka.

Mesfushori kosovar, për shkak të lëndimit nuk është ftuar nga selektori i Zvicrës, Vladimir Petkovic

Xhaka që luan për Borussia Monchengladbach ka pësuar lëndimin në një ndeshje të fazës finale kundër Bayern Munich në një duel me Robert Lewandowskin e Polonisë.

Më 15 nëntor në St.Gallen Zvicra do të luajë ndeshjen kualifikuese të Kampionatit Evropian kundër Lituanisë. Ndërsa tri ditë më vonë do të luajë kundër Polonisë në Wroclaw.

Ekipi:
Portierët: Yann Sommer (Borussia Moenchengladbach), Roman Buerki (Freiburg), Marwin Hitz (Augsburg), Yvon Mvogo (Young Boys)
Mbrojtësit: Stephan Lichtsteiner (Juventus), Steve von Bergen (Young Boys), Fabian Schaer (Basel), Philippe Senderos (Aston Villa), Johan Djourou (Hamburger SV), Francois Moubandje (Toulouse), Fabian Lustenberger (Hertha Berlin), Ricardo Rodriguez (Wolfsburg), Silvan Widmer (Udinese)
Mesfushorët: Valon Behrami (Hamburger SV), Blerim Xhemaili (Galatasaray), Gokhan Inler (Napoli), Gelson Fernandes (Rennes), Fabian Frei (Basel), Pajtim Kasami (Olympiakos), Valentin Stocker (Hertha Berlin), Xherdan Shaqiri (Bayern Munich)
Sulmuesit: Josip Drmic (Bayer Leverkusen), Haris Seferovic (Eintracht Frankfurt), Admir Mehmedi (Freiburg), Marco Schoenbaechler (Zürich)