Shansi i artë për Rey Manaj, sulmuesi shqiptar stërvitet me Messi&Co

Rey Manaj grumbullohet nga ekipi i parë i Barcelonës. Sulmuesi shqiptar firmosi disa ditë më parë klubin e dytë katalunas, ndërsa sot është stërvitur me Messin&Co. Trajneri Setien ka grumbulluar disa lojtarë nga skuadra e dytë dhe Manaj ishte një prej tyre.

Barcelona do të luajë ditën e nesërme sfidën e radhës në Kupë ndaj Leganes dhe Manaj me shumë mundësi mund të ftohet në ekipin e parë, edhe pse lista nuk është bërë ende zyrtare. Me largimin e Carlos Perez te Roma dhe mungesat e Suarez e Dembele, mund të bëjë që Manaj të ketë disa minuta në Kupë, përcjell Albinfo.ch.