Sërish shqyrtohet bashkimi i dy Bazelëve

Komisionet përkatëse të parlamenteve të dy gjysmëkantoneve kane mbështetur në parim një iniciativë popullore lidhur me këtë temë

Sikurse edhe disa herë tjera gjatë viteve të fundit, është shtruar sërish çështja e bashkimit të dy gjysmëkantoneve  Baselstadt dhe Basellandschaft (njëri përfaqëson qytetin e Bazelit dhe tjetri rrethinat e tij). 

Komisionet përkatëse të parlamenteve të dy gjysmëkantoneve kane mbështetur në parim një iniciative popullore që është lansuar lidhur me këtë temë.

Megjithëkëtë, komisionet në fjalë u rekomandojnë parlamenteve të tyre një kundërpropozim. Ndryshe nga iniciativa, e cila kërkon numër të barabartë të përfaqësuesve në parlamentin e përbashkët nga të dy gjysmëkantonet, me rekomandim kërkohet të respektohet numri i banorëve.

Sipas kësaj, gjysmëkantoni i sotshëm Baselland duhet të ketë 60 përfaqësues ndërsa ai Baselstadt 40.