Sërish aksident i rëndë me helikopter: katër viktima

Kjo tragjedi ka ndodhur sot (e hënë) në kantonin Uri. Një helikopter i firmës SHG është rrëzuar duke shkaktuar vdekjen e të katër personave që ndodheshin në të

Ilustrim

Dy ditë pas aksidentit të rëndë të një helikopteri (me katër viktima) që ndodhi në kantonin jugor të Zvicrës, në Tesinë, sërish rrëzohet një helikopter, duke shkaktuar po ashtu katër viktima.

Kjo tragjedi ka ndodhur sot (e hënë) në kantonin Uri, me ç`rast, nga shkaqe të panjohura një helikopter i firmës Swiss Helicopter Group është rrëzuar dukeshkaktuar vdekjen e të katër personave që ndodheshin në të. Të katër viktimat ishin nga kantoni Uri, njofton policia kantonale, transmeton srf.ch.

Në vendin e ngjarjes, afër lokalitetit Erstfeld  kanë dalë policia kantonale e Urit, Rega, zjarrfikësit dhe organet shtetërore përkatëse për hetimin e rrethanave të aksidentit.

Autoritetet kanë iniciuar hetimet lidhur me aksidentit.