Serbi që sulmoi KFOR-in e Policinë e Kosovës në veri pranon fajësinë, dënohet me gati 5 vjet burg

Prokuroria Speciale e Kosovës ka bërë të ditur se i akuzuari M.A ka pranuar fajësinë për përfshirje në dhunën e ushtruar ndaj pjesëtarëve të KFOR-it dhe Policisë së Kosovës gjatë protestës së zhvilluar më 29 maj 2023 në Zveçan.

Sipas Prokurorisë, ndaj M.A janë ngritur akuza për disa vepra penale, përfshirë:

Sulm ndaj personit zyrtar

Pjesëmarrje në turmë që kryen vepër penale (huliganizëm)

Blerje, posedim, shpërndarje dhe shitje të paautorizuar të substancave narkotike dhe psikotropike

Posedim i paautorizuar i armëve

Pas ngritjes së aktakuzës, Gjykata Themelore në Prishtinë ka miratuar marrëveshjen për pranimin e fajësisë ndërmjet Prokurorisë dhe të pandehurit. Si rezultat, M.A është dënuar me 4 vjet e 11 muaj burgim efektiv dhe një gjobë prej 20 mijë eurosh.