Serbi dhe kroati kapen duke futur 10 kosovarë ilegalisht në Gjermani

Këta persona kanë “rënë në rrjetë” policëve, kur ata po e bënin kontrollimin e automjeteve pak para kufirit me Gjermaninë

Policia austriake ka kapur dy persona të dyshuar si kontrabandistë të cilët  kanë dashur t`i futnin ilegalisht në Gjermani 10 shtetas kosovarë, në mesin e të cilëve kishte edhe fëmijë.

Këta persona u kanë “rënë në rrjetë” policëve pasditen e te enjtes, kur ata po e bënin kontrollimin e automjeteve në një rrethrrotullim pak para kufirit me Gjermaninë.

Dhjetë kosovarë, nga mosha 1 deri në 34 vjeçare ishin futur në një kombibus të vogël. Ndërsa dy personat që po provonin t`i kontrabandonin ata në Gjermani përmes Austrisë, ishin një kroat 35 dhe një serb 31 vjeçar, që jetojnë në Gjermani.

Pas pagesës së një depozite të sigurisë, të dy trafikantët janë lejuar të udhëtojnë më tutje drejt Gjermanisë, shkruan nachrichten.at. Ndërsa të dhjetë kosovarët kanë mbetur në Austri ku  tashmë kanë bërë kërkesat për azil.