Së shpejti arrihet pajtimi Zvicër-BE për klauzolën mbrojtëse

Ndonëse kanë mbetur edhe “disa detaje” për t`u sqaruar, një zgjidhje në krizën në mes të Zvicrës dhe BE-së duket në horizont. Kështu ka deklaruar ministri zviceran i punëve të jashtme Didier Burkhalter duke iu referuar një zgjidhjeje të pritshme sa i përket klauzolës mbrojtëse të njëanshme që Zvicra e ka vendosur mbi marrëveshjen për lëvizje të lirë.

Kjo klauzolë kufizon numrin e shtetasve të vendeve të BE-së që mund të qëndrojnë në Zvicër dhe e përcakton përparësinë që duhet të kenë shtetasit zviceran kundrejtr atyre të vendeve të BE-së.

Këtë klauzolë Qeveria e Zvicrës është detyruar ta vendosë si rezultat i referendumit “Kundër Migracionit Masiv” të SVP-së që kishte fituar votat e popullit në vitin 2014.

Burkhalter ka theksuar se Komisio ni BE-së e njeh këtë problem “ashtu sikurse ne. Në parim ne jemi të një mendimi. Por tash nevojitet precizimi dhe koha është duke shkuar drejt përmbylljes”.