Scholz, nën presion pas rritjes së kalimeve të paligjshme kufitare në Gjermani

(KEYSTONE/DPA/Christoph Soeder)

Numri i kalimeve të paligjshme kufitare në Gjermani është rritur ndjeshëm që nga fillimi i vitit, sipas autoriteteve dhe qeveria e Olaf Scholz është nën presion për të forcuar kontrollet, përcjell albinfo.ch.

Më pak se 20,000 njerëz hynë ilegalisht në vend midis janarit dhe fundit të marsit, një rritje prej 50% në krahasim me të njëjtën periudhë të vitit të kaluar.

Javën e kaluar Scholz njoftoi planet për të rritur kontrollet kufitare në secilin prej nëntë kufijve të Gjermanisë, në të njëjtën kohë duke thënë se do t’u kërkonte partnerëve të Bashkimit Evropian të mbështesin ngritjen e qendrave të azilit në skaj të bllokut.

Një aleancë prej më shumë se 50 organizatash humanitare në Gjermani i bëri thirrje qeverisë të mërkurën që të rimendojë planet e saj, të cilat i përshkroi si një “kontradiktë të dukshme” me premtimet qendrore në marrëveshjen e koalicionit. Në veçanti, grupi i kërkoi Scholz-it të hiqte dorë nga planet e tij për të kryer proceset e azilit për të ardhurit në kufirin e BE-së, duke këmbëngulur se kjo do të minonte ligjet për mbrojtjen e refugjatëve dhe do të çonte në shkelje humanitare. Ai krahasoi qendrat e propozuara të azilit me burgjet, përcjell tutje albinfo.ch.