Saksonia e Ulët dëbon 125 kosovarë

ilustrim

Republika e Saksonisë së Ulët (Nidersachsen) ka dëbuar të mërkurën azilkërkues, të cilëve iu ishte refuzuar e drejta e azilit me një aeroplan charter nga Hannoveri për në aeroportin e Prishtinës në Kosovë, shkruan ndr.de

Në aeroplan ishin 125 persona nga të gjitha pjesët e Saksonisë së Ulët të Gjermanisë, ka thënë ministri i Brendshëm, Boris Pistorius (SPD), në Parlament. Në mesin e tyre kishte edhe fëmijë që ishin të lindur në Gjermani, apo edhe të atillë që shkonin në shkollë, njofton albinfo.ch.

Veprimi i ministrisë kritikohet nga politikani i Të Gjelbërve, Onay

Qeveria e shtetit, e përbërë nga të kuqët dhe të gjelbrit ka ndryshuar së fundmi mënyrën e deportimit. Azilkërkuesit me më pak se 18 muaj të lejes së qëndrimit do të mund të deportohen më shpejt dhe pa paralajmërim. Për këtë ka pasur kritika edhe nga koalicioni qeveritar ndaj veprimeve të ministrit të Brendshëm. Eurodeputeti i Të Gjelbërve, Belit Onay, ka kritikuar dëbimin me shumicë, duke theksuar se aty kishte edhe fëmijë, të cilët vijonin shkollën në Gjermani. Belit Onay është ndarë shumë i pakënaqur ndaj kësaj iniciative.