Sa % e rasteve pozitive në Zvicër ishin në karantinë kur u testuan

Për javën e parë në gusht, 26% e rasteve të reja pozitive në Gjenevë ishin tashmë në karantinë

Statistikat kombëtare tregojnë se vetëm gjysma e rasteve të reja me Covid-19 janë tashmë në karantinë kur testohen pozitivë. Shifrat rajonale sugjerojnë se numri mund të jetë edhe më i ulët.

“NZZ am Sonntag” raporton se numrat më të fundit të ofruar nga Zyra Federale e Shëndetit Publik (FOPH) tregojnë se 44% e njerëzve që testohen pozitivisht që nga 11 maj ishin tashmë në izolim si rezultat i masave paraprake të marra pas gjurmimit të kontaktit, përcjell albinfo.ch.

Numrat e FOPH bazohen në pyetësorët mjekësorë të mbushur nga pacientët – formularë që nga maji përfshijnë pyetjen nëse pacienti tashmë është në karantinë. Rreth 30% e pacientëve thanë që nuk ishin në izolim, ndërsa 26% e mbetur nuk u përgjigjen në pyetjen.

Sidoqoftë, gazeta shkruan se pyetësorët ishin në dispozicion për më pak se gjysmën e 9,000 rasteve të Covid-19 të raportuara që nga mesi i majit. “Vlerësimi i FOPH është kështu pak i kufizuar”, përcjell tutje albinfo.ch.

Shifrat nga Vaud dhe Gjenevë, dy kantone të prekura veçanërisht nga virusi dhe ku gjurmimi i kontaktit është zhvilluar gjerësisht, sugjerojnë se shifra mund të jetë edhe më e ulët se ajo e raportuar në shkallë vendi.

Për javën e parë në gusht, 26% e rasteve të reja pozitive në Gjenevë ishin tashmë në karantinë, shkruan “NZZ am Sonntag”; në kantonin Vaud gjatë javës së kaluar, shifra ishte 30%.

Dhe megjithëse autoritetet Vaud i thanë gazetës se kjo tregon një ndikim të caktuar të gjurmimit të kontaktit në rastet e parandalimit, epidemiologu i Universitetit të Bernës, Nicola Low thotë se shifra është shumë e ulët.

Në rastin ideal, rreth 80% e rasteve të konfirmuara duhet të jenë tashmë në karantinë, në mënyrë që regjimet e gjurmimit të kontaktit të funksionojnë mirë, tha Low. “Nëse kjo përqindje [që shihet aktualisht në Zvicër] nuk rritet, nuk është një shenjë e mirë për përpjekjet për të kontrolluar virusin.”

Gjurmimi i kontakteve, përmes aplikacionit SwissCovid dhe përpjekjeve fizike të autoriteteve kantonale, ka qenë një nga planet kryesore të përpjekjes për të luftuar përhapjen e koronavirusit në Zvicër pasi masat e bllokimit u lehtësuan.

---