Sa çmime do të fitonte Dua Lipa në “BritAwards”, në bazë të shitjeve

Çmimet “BritAwards” do të ndahen më 21 shkurt në Londër.

Këngëtarja kosovare, Dua Lipa, është lidere me nominime me gjithsej pesë kategori.  Ajo është e nominuar për Albumin më të mirë të vitit, Këngën më të mirë depërtuese, Femrën e Vitit, Këngën e Vitit dhe Videon e Vitit.

Juria prestigjioze dhe fansat do të vendosin me votat e tyre se kush do të fitojë, por çka nëse do të llogariteshin vetëm shitjet në vitin e shkuar, transmeton Albinfo.ch.

Nëse llogariten shitjet, Dua Lipa do të dilte me dy çmime nga kjo ceremoni. Ajo do të fitonte çmimin për Femrën më të suksesshme të vitit si dhe Këngën më të mirë depërtuese, shkruan “OfficialCharts”.

“Nëse ‘Brit Awards’ do të ndiqte ‘Rregullat tona të reja’, Dua Lipa do të fitonte lehtësisht kategorinë për Femrën më të suksesshme. 514 mijë shitjet e saj dhe 285 milionë transmetimet e vendosin larg në krye, falë hitit numër një dhe albumit të vetëtitulluar”, thuhet në përshkrim për këngëtaren kosovare.