Rrugët e Londrës tregojnë dëshpërimin e tifozëve anglezë

scrinshot tiktok

Tifozët e Anglisë mbeten me zemra të thyera të dielën mbrëma pasi Italia fitoi finalen e Euro 2020 në Wembley, duke thyer ëndrrat e tifozëve të Tre Luanëve, të cilët ishin ndier të sigurt se ishte koha e tyre, përcjell albinfo.ch.

Në një video të publikuar në rrjetet sociale shfaqet një nga rrugët e Londrës, me shumë mundësi pranë Wembleyt, e cila është e mbushur me mbeturina.

More embarrassed by the section of our fans prepared to wreck our own national stadium than anything the England players did last night. pic.twitter.com/K1jbgCK9ZH

— Darren Lewis (@MirrorDarren) July 12, 2021

Të gjithë kanë hedhur në tokë ushqimet dhe shishet e pijeve, duke krijuar një pamje aspak qytetare, të cilën nuk e kemi parë as në Shqipëri, ku shquhemi për hedhjen e plehrave jo në vendin e duhur.

https://streamable.com/fc9hqh

Humbja kishte goditur rëndë tifozët e Anglisë, ku pas skenave në fillim të ndeshjes, kishin shkatërruar gjithçka edhe pas saj.

Një pikturë murale kushtuar Marcus Rashford u vandalizua më pak se një orë pas humbjes së Anglisë në finalen e Euro 2020.

Rrugët e kryeqytetit anglez në orët e para të mëngjesit ishin sikur të kishte ndodhur ndonjë luftë dhe jo një ndeshje futbolli.

Rrëmuja e shkaktuar nga tifozët duke gjuajtur në tokë gjithçka iu kishte dalë para.

Dëme të mëdha po konsiderohen se janë shkaktuar edhe në stadium dhe rreth tij, ku shihen rrethojat që janë dëmtuar tej mase nga tifozët.

Gjithashtu ka pasur abuzime raciste ndaj futbollistëve që humbën penalltitë.

Shoqata e Futbollit dhe Qeveria kanë dënuar abuzimin racist të drejtuar lojtarëve pas humbjes zemërthyer të Tre Luanëve në finalen e Euro 2020 ndaj Italisë.