Futboll

Italia-Anglia, finalja e madhe

Sonte zhvillohet finalja e Euro 2020 mes Italisë dhe Anglisë nga ora 21:00 në Wembley

E diel, 11 Korrik 2021 - 9:00 albinfo.ch

Pas rrugëtimit të gjatë Italia dhe Anglia ballafaqohen në finalen e madhe të Kampionatit Evropian. Ndeshja luhet nga ora 21:00 në stadiumin “Wembley” në Londër, shkruan albinfo.ch.

“Azzurrët” do të kërkojnë titullin e dytë në histori, pas atij të largët më 1968, derisa kishin humbur në finalen e vitit 2000 dhe 2012. Për anglezët është finalja e parë në histori të ndonjë Evropiani, kurse titulli i vetëm është i botës më 1966.

Italia kaloi grupet me tri fitore në tri ndeshje, pastaj eliminoi Austrinë, Belgjikën dhe së fundi Spanjën me penallti. Ndërkohë, Anglia pas grupeve eliminoi Gjermaninë, Ukrainën dhe Danimarkën.

Të dy taborët janë optimistë dhe kanë deklaruar se do të hynë me besim të madh për të fituar.

Përbërjet e mundshme

Italia: Donnarumma; Di Lorenzo, Bonucci, Chiellini, Emerson; Barella, Jorginho, Verratti; Chiesa, Immobile, Insigne

Anglia: Pickford; Walker, Stones, Maguire, Shaw; Rice, Phillips; Saka, Mount, Sterling; Kane