Rritje e gatishmërisë për të konsumuar

Gatishmëria për të blerë ka shënuar rritje gjatë muajve të fundit te konsumatorët zviceranë. Në sondazhin e muajit korrik, të realizuar nga Sekretariati Shtetëror për Ekonomi (Seco) kjo kategori tregon ngritje.

Pritjet e konsumatorëve, para së gjithash sa i përket zhvillimit të përgjithshëm ekonomik dhe tregut të punës janë përmirësuar, shkruan Seco në një komunikatë.

Ndërkohë, konsumatorët po sipas këtij sondazhi, nuk presin që gjendja e tyre financiare në një të ardhme të përmirësohet ose që ata të mund të kursejnë më shumë të holla.