Rritja ekonomike mbi pritjet

Ndër degët që kanë shënuar rritje janë industria, ndërtimtaria, sektori i financave dhe shumë shërbime jofinanciare, private dhe publike

Ekonomia e Zvicrës në periudhën e tre muajve të parë të vitit 2013 është rritur më shumë se që ishte pritur. Rritjen ekonomike për këtë tremujor e kanë siguruar konsumi, investimet në ndërtim dhe tregtia. Brutoprodukti është rritur kështu për 0.6 për qind në krahasim me vitin e kaluar ndërsa 1.1 për qind, po u krahasua me tremujorin paraprak, ka njoftuar Sekretariati Shtetëror për Ekonomi (Seco).

Ndër degët që kanë shënuar rritje janë industria, ndërtimtaria, sektori i financave dhe shumë shërbime jofinanciare, private dhe publike.

Mjetet e shpenzuara për konsum privat janë shtuar në krahasim me kuartalin paraprak për 0.6 për qind. Më së shumti janë rritur shpenzimet për shëndetësi dhe banim. Nga ana tjetër, shteti dhe sigurimet sociale kanë shpenzuar për 0.9% më pak.

Zvogëlim për 0.3% në periudhën janar-mars 2013 kanë shënuar investimet. Eksportet e mallrave, pa përfshirë këtu metalet fisnike, gurët e çmuar, objektet artistike dhe antikitetet, kanë regjistruar po ashtu një rënie prej 0.2%.

Kur të përjashtohen këto, eksporti i mallrave është rritur për 1.4%. zhvillime pozitive janë konstatuar veçanëisht në industrinë kimike, farmaceutike, të orëve, të mjeteve të precizionit dhe të bizhuterisë. Degët tjera kanë stagnuar ose kanë pësuar rënie.

Importet e ekonomisë zvicerane kanë shënuar rënie për 2.1%