Rritja e primeve mund të bëhet mbi normën mesatare

(KEYSTONE/Christian Beutler)

Presidenti i Zvicrës, Alain Berset, në një intervistë ka deklaruar se primet e sigurimit shëndetësor mund të rriten përsëri.

“Për fat të keq, nuk mund të përjashtohet që primet të rriten sërish me një normë mbi mesataren vitin e ardhshëm”, thotë Alain Berset në një intervistë, përcjell albinfo.ch.

Këshilli Federal po bën gjithçka në fuqinë e tij për të frenuar kostot.

Gjithashtu është ende herët për të vlerësuar situatën për vjeshtën e ardhshme. Janë të shumtë ata që thonë fjalën dhe duhet kohë për të gjetur kompromise. Masat e mira, si ulja e çmimit të gjenerikëve u anuluan, por Këshilli Federal mundi të regjistronte disa suksese, shkruan 20minuten.

Shoqata e sigurimeve shëndetësore Santésuisse kohët e fundit paralajmëroi për një rritje prej 7.5 për qind të primeve. Drejtuesit kryesorë janë mjekimi dhe shërbimet e kujdesit në shtëpi.

Kostot e ilaçeve tani janë rritur në rreth nëntë miliardë franga në vit, thotë zëdhënësi i Santésuisse, Matthias Müller, në 20 minuten. Kjo është pothuajse një e katërta e barrës totale të primit për sigurimet bazë, përcjell albinfo.ch.