Zvicër: 12% më shumë raste të koronavirusit, brenda një jave

Aktualisht janë 40 pacientë me Covid-19 në terapi intensive dhe kjo është 11 për qind më shumë se një javë më parë

Zyra Federale e Shëndetit Publik (BAG) ka raportuar sot 16,826 raste të reja që kanë rezultuar pozitive për virusin korona gjatë javës së fundit.

Kjo e vendos mesataren 7-ditore në 2232 në ditë, që është 12 për qind më shumë se në javën e kaluar, transmeton albinfo.ch. Në trendin aktual, mesatarja 7-ditore e infeksioneve të reja dyfishohet afërsisht çdo 42 ditë, raporton srf.ch.

Incidenca 14-ditore është aktualisht 318.2.

BAG raporton 212 pranime të reja në spital, mesatarja 14-ditore është 21 shtrime në ditë.

607 persona aktualisht po trajtohen në spital për Covid-19 ose 26 për qind më shumë se në javën e kaluar.

Aktualisht janë 40 pacientë me Covid-19 në terapi intensive dhe kjo është 11 për qind më shumë se një javë më parë.

BAG raporton 7 raste të reja të vdekjes gjatë një jave.

---