Rriten përçarjet ndërmjet Vjosa Osmanit dhe Agim Veliut

Konfliktit i Vjosa Osmani-t dhe Agim Veliu-t ka nisur pas një takimi që Vjosa pati dje me liderin e Vetëvendosjes, Albin Kurtin

Duket se dy nënkryetarët e LDK-së, Vjosa Osmani dhe Agim Veliu, kanë nisur një betejë kundër njëri-tjetrit.

Mediat në Kosovë shkruajnë se Osmani dhe Veliu së fundi janë fjalosur rëndë.

Thuhet se gjithçka rreth konfliktit Osmani-Veliu ka nisur pas një takimi që Vjosa Osmani pati dje me Albin Kurtin, liderin e Vetëvendosjes – gjatë kohës sa ishte duke u regjistruar si deputete në Kuvendin e Kosovës.

Veliut si duket i ka penguar ky takim i Osmani me Kurtin, duke thënë për bashkëpartiaken e tij se ajo duhet të japë llogari për këto takime të rastësishme.

“Ajo duhet t’u japë sqarim votuesve të LDK-së se çka po do të japë mesazh me këto rastësi. Sipas gjykimit tim, nëse dikush merr obligime që nuk i takojnë, aty komplikohet situata”, ka thënë Veliu.

“S’kam kurgja çka me heq dhe as çka me shtu. Gjithçka që kam thënë qëndron”, është shprehur Veliu.

Deklaratve të Veliut i është përgjigjur Osmani, duke thënë se nuk i jep llogari atij për takimet e saj.

“Për më tepër, z.Veliu le të harrojë që atij i jap sqarime. Raporti im është me votuesit, të cilët presin nga ne të jetësojmë vullnetin qytetar të 6 tetorit për ndryshim”, ka thënë Osmani, përcjell albinfo.ch.

---