Rrëzohet krani mbi një ndërtesë banimi

Në Uhrdorf (ZH), pasditen e së enjtes ishin tmerruar banorët e një ndërtese, ngase mbi çatinë e tyre ishte rrëzuar një kran ndërtimi. Për fat të mirë, përveç dëmeve të mëdha nga rrëzimi i kranit është lënduar lehtë vetëm një person.

Dëmet llogariten të shkojnë mbi një milion franga zvicerane. Shkaku i aksidentit nuk është ende i njohur. Policia e Cyrihut ka nisur një hetim. Banorët nuk janë të lejuar të hyjnë në banesat e tyre.