Rrëzohet aeroplani në Kubë, 113 të vdekur dhe pak të mbijetuar

Një aeroplan Boeing 737 është rrëzuar pak pas nisjes së fluturimit në kryqytetin kubanez Havana, shkruan albinfo.ch. 113 pasagjerë në bord vdiqën, ndërsa tre pasagjerë kanë arritur të mbijetojnë. Megjithatë ata janë në rrezik për jetën.

Presidenti Miguel Díaz-Canel foli për një numër të madh të vdekjeve.

“Fatkeqësisht jemi përpara një aksident ajror. Lajmet nuk janë premtuese, pasi duket se ka një numër tejet të lartë viktimash”, citohet të ketë thënë Diaz-Canel, presidenti i zgjedhur pak ditë më parë në Kubë.

Ekipe emergjencash, zjarrfikës dhe ambulanca shkuan në vendngjarje. Radioja “Havana Cuba” njoftoi përmes “Twitter”-it se avioni ishte rrëzuar në një autostradë mes Boyerosit dhe Havanës, shumë pranë aeroportit.