Rrëshqitja e dheut bllokon trenat në linjën Bernë-Friburg

Një rrëshqitje dheu ka bërë që të ndërpritet linja hekurudhore në mes të Bernës dhe Friburgut që nga ora 14 e pasdites së sotme.

Siç bën të ditur SBB (Ndërmarrja Hekurudhore Federale) një sasi e madhe dheu ka rrëshqitur në Flammatt të Freiburgut me ç`rast ka mbuluar të dy peronet e hekurudhës.
SBB llogarit që pjesa e linjës në mes të stacionit Thörishaus të Bernës dhe Schmitten të Friburgut do të mbetet e bllokuar edhe për disa orë.

Me këtë rast, të goditura janë linjat e gjata të trenave IC në mes të St. Gallenit dhe Gjenevës dhe ata IR në mes të Lucernit dhe Gjenevës. Ato, në pjesën në mes të Bernës dhe Friburgut aktualisht janë të anuluara. Janë po ashtu edhe disa linja lokale.

Si zëvendësim për lidhjet e munguara hekurudhore janë ofruar linja me autobusë.