‘Roche’ dërgon teste që zbulojnë koronavirusin edhe në SHBA

By F. Hoffmann-La Roche, Ltd. - Roche Annual Report 2006Transferred from English Wikipedia; en:File:Hoffmann–La-Roche.svg, Public Domain, https://commons.wikimedia.org/w/index.php?curid=6803525

Kompania e njohur farmaceutike Roche, në një deklaratë për media ka treguar se Administrata e Ushqimit dhe e Barnave në SHBA e ka pranuar testin e këtij laboratori për koronavirus të përdoret edhe në SHBA si dhe në vendet që e pranojnë markën CE.

Testi ka për qëllim zbulimin dhe diferencimin e SARS-CoV-2 me atë të Gripit A dhe Gripit B. Ky test do të përdoret në pacientë që dyshohet se kanë infeksion viral të frymëmarrjes, të njëjta me simptomat e COVID 19.

LEXO EDHE :Zvicër: ‘Roche’ premton test që zbulon virusin për 15 minuta

“Me afrimin e sezonit të gripit, kjo provë e re është veçanërisht e rëndësishme pasi SARS-CoV-2 dhe infeksionet e gripit vështirë se mund të diferencohen vetëm nga simptomat”, tha kreu i diagnostikimit të Roche Thomas Schinecker. “Tani, me një test të vetëm, profesionistët e kujdesit shëndetësor mund të sigurojnë diagnozën e duhur dhe planin më efektiv të trajtimit për pacientët e tyre, përcjell albinfo.ch.

Testi do të jetë për përdorim në sistemet Roche’s Cobas 6800/8800, të cilat janë të afta të trajtojnë vëllime të mëdha dhe shpesh gjenden në spitale. Ata mund të kryejnë 96 teste brenda tri orësh, tha kompania. /albinfo.ch