Rita Ora: “Më gëzon krahasimi me Rihanna-n”

“Do të ishte cool të incizonim një këngë bashkë me të, ndërsa klipi i këngës do të ishte shumë “sexy”

Ylli i ri shqiptaro-britanik që po pushton toplistat britanike dhe më gjerë, Rita Ora, ndjehet e nderuar që e krahasojnë me këngëtaren Rihanna. Shumë medie, të shkruara dhe elektronike muajve të fundit bëjnë paralele të ndryshme në mes të dy këngëtareve të suksesshme.

Siç shkruan portali i revistës gjermane Gala.de “këngëtarja e re britanike po kremtohet si yll i ri në qiellin e pop muzikës, pasi që ka nënshkruar kontratë me shtëpinë diskografike “Roc Nation” të Jay-Z. Muzikantja e rritur në Londër ndjehet e përkëdhelur kur e krahasojnë me idhullin e saj të madh, Rihanna-n.

“Unë e shoh këtë si kompliment. Një krahasim i fortë. Nuk është se unë nuk jam fanse e Rihannas. Për këtë arsye gëzohem shumë kur më vendosin në lidhje me një super-yll ndërkombëtar“, ka thënë ajo për MTV News.

“Do të ishte cool të incizonim një këngë bashkë me të, ndërsa klipi i këngës do të ishte “sexy”.