Rita Ora, e mahnitshme në javën e modës në Itali

Të shtunën Rita Ora është shfaqur e mahnitshme në javën e modës në Itali

Rita Ora është nga këngëtaret më të kërkuara në Evropë. Si fëmija i dytë nga prindërit shqiptarë, ajo është e lindur në Prishtinë ndërsa është rritur në kryeqytetin e Anglisë, në Londër. Atje, ajo ka zhvilluar karrierën e saj ndërsa aktualisht është shndërruar në njërën ndër femrat më të bukura në botë.

Ora po lë gojë hapur të gjithë jo vetëm me zërin e saj, por edhe me shijen e saj në modë.

Të shtunën Rita Ora është shfaqur e mahnitshme në javën e modës në Itali, shkruan portali i njohur gjerman promiflash.de.

Si pjesë të javës së Modës në Itali, revista e modës “Vogue” organizoi një koktej në të cilën mysafire speciale ishte edhe këngëtarja shqiptare, përcjell “albinfo.ch”.

Biondja me famë botërore u shfaq në këtë event me një fustan transparent. Nën këtë fustan ajo kishte të veshur të brendshme të zeza për të mbuluar pjesët intime të saj. Rita i kishte kombinuar me një palë këpucë të zeza në të cilat dukej e përsosur.