Rita dhe Dua shkëlqyen në Met Gala

Në Muzeun Metropolitan të Artit në New York City mbrëmjen e djeshme tapeti i kuq i Met Gala 2023 shkëlqeu si asnjëherë më parë. Ndryshe nga vitet e tjera, mbrëmë u përkujtua Lagerfeld, dizajneri i ndjerë, i cili drejtoi shtëpitë më të njohura të botës në botë, si Chanel apo Fendi, përcjell albinfo.ch.

Spektakli i yjeve që kaluan në tapet duke pozuar ishte pa dyshim i jashtëzakonshëm. Më poshtë janë pamjet më të bukura këtë vit të yjeve, ku mes tyre ishin dhe artistet e njohura shqiptare Dua Lipa, Rita Ora dhe Ava Max.

Dua Lipa rrezatoi energjinë e një princeshe teksa mbërriti në Met Gala me një fustan të markës “Chanel”, të shoqëruar me një gjerdan diamanti 100 karatësh.

Rita Ora dukej e pabesueshme me një fustan të zi të kompletuar me një bisht të madh dramatik teksa mbërriti në ngjarjen më të madhe të vitit në industrinë e modës, Met Gala 2023.