Riola Xhemaili, “Talentja e Vitit”, me mesazh për vajzat e reja

Futbollistja shqiptare ka të ardhme të ndritur në futbollin ndërkombëtar

Riola Xhemaili nuk ngurroi të merrte një avion për të marrë Trofeun e Talentit të Gala Mbrëmjen për Gratënga “Mundo Deportivo” nga duart e të nderuarës zonja Laura Vilagrà, Ministre e Presidencës së Generalitat de Catalunya.

E lindur në Solothurn (Zvicër) më 5 mars 2003, mesfushorja ka pasur një rritje spektakulare në futbollin elitar si adoleshente. E konsideruar si një nga premtimet e mëdha të Evropës, Xhemaili, futbollistja kryesore e Freiburgut në Bundesligë, që nga thirrja në maj 2019 nga ekipi zviceran U-16 u ngjit si një raketë më 2022 për të qenë pjesë e ekipit që luajti në Eurokupën e Femrave 2022 në Angli, shkruan “Mundo Deportivo”, përcjell albinfo.ch.

“Dua të tregoj se sa i madh është futbolli i femrave”, kjo ishte motoja e prezantimit të Xhemailit para se të merrte çmimin. Në moshën 15-vjeçare, sulmuesja ishte tashmë pjesë e ekipit të parë të Bazelit, klubi që e formoi dhe ajo arriti shpejt shiritin e kapitenit.

“Është e rëndësishme të jesh shembull. Unë mendoj se mund t’u tregoj rrugën për të arritur atje. Për mua është mirë të shihem nga vajza të tjera të reja të talentuara, që të shohin se mundësia është reale”, shtoi ajo.

Pavarësisht çmimit dhe rinisë, ajo është vetëm 19 vjeçe. Xhemaili mban këmbët në tokë dhe nuk e sheh veten si protagoniste. “Unë nuk jam përpara askujt, jam pjesë e një ekipi”, theksoi futbollistja, e cila për sa i përket presionit konstatoi se “është normale, duhet të mësosh prej saj dhe të përmirësohesh”.

---