Restorantet në Zvicër mund të hapen përsëri javën e ardhshme

Nëse ndodh, do të lejohen maksimumi katër mysafirë për tryezë dhe do të kërkohet mbledhja e të dhënave nga secili person

Këshilli Federal ka shprtehur qëndrimin se tarracat e restoranteve dhe bareve mund të hapen përsëri më 22 mars nëse e lejon situata epidemiologjike. Nëse ndodh, do të lejohen maksimumi katër mysafirë për tryezë dhe do të kërkohet mbledhja e të dhënave nga secili person, transmeton albinfo.ch.

Rihapja e kinemave, teatrove dhe sallave të koncerteve, me deri në 50 spektatorë (dhe maksimumi një e treta e kapacitetit), do të lejohet për sa kohë që pjesëmarrësit janë të maskuar dhe një vend i zbrazët është ndërmjet secilit person.

Ngjarjet në natyrë mund të zhvillohen me deri në 150 spektatorë.

Takimet në hapësirën e brendshme private do të lejohen për deri në 10 persona.

Do të hapen edhe ambientet e fitnesit, por pishinat dhe llixhat do të mbesin të mbyllura.

Vendimi përfundimtar për këto rihapje do të merret në 19 mars. /Albinfo.ch

---