Rënie e shitjes me pakicë në Zvicër

Në shitoret dhe supermarketet e Zvicrës gjatë muajit mars janë realizuar më pak shitje se në muajin e njëjtë të një viti më parë. Kjo edhe përkundër ndryshimit të kursit të frangut, që duhet të nënkuptonte shtim të konsumit. Rënia e shitjes me pakicë në këtë periudhë ka qenë 4 për qind.

Një pjesë e shpjegimit të kësaj rënieje ka të bëjë me çmimet më të ulëta të produkteve që janë shënuar në këtë periudhë. Sasitë e shitura llogaritur me ditët e shitjes kanë rënë nga 2.3 për qind  në krahasim me marsin e vitit 2014, thuhet në një raport të Zyrës Federale për Statistikë.

Rënie paksa më të vogël ka shënuar shitja e produkteve ushqimore, pijeve dhe duhanit, prej gjithsej 2.6 për qind.