Rënia e euros, pësojnë qytetarët e Shqipërisë

Sipas të dhënave zyrtare nga banka e Shqipërisë, në fund të muajit janar, depozitat e familjeve shqiptare në euro llogariteshin në 497 miliardë lekë. Por në fund të majit shifra zbriti në 483 miliardë lekë

Zhvlerësimi i euros, nuk ka prekur vetëm bizneset në Shqipëri, por edhe shumë qytetarë që kishin kursyer në monedhën evropiane.

Sipas të dhënave zyrtare nga banka e Shqipërisë, në fund të muajit janar, depozitat e familjeve shqiptare në euro llogariteshin në 497 miliardë lekë. Por në fund të majit shifra zbriti në 483 miliardë lekë, raporton “TCH”.

Rënia me 14 miliardë lekë nuk ka ardhur se individët kanë tërhequr depozitat nga bankat, por në pjesën më të madhe ajo është pasojë e zhvlerësimit të euros, përcjell albinfo.ch.

Sipas bankës së Shqipërisë, për periudhën janar-qershor euro është zhvlerësuar me 2.4 për qind ndaj lekut. Më saktësisht nëse në muajin janar një euro u këmbye mesatarisht me 136.57 lekë, në qershor monedha evropiane është konvertuar me 133.2 lekë.