Rekord i papunësisë në Erurozonë

Papunësia në Eurozonë arriti një rekord të ri, ndërsa inflacioni preku nivelin më të ulët të tre viteve të fundit

Papunësia ka shënuar një rritje 0,1% në muajin mars, në krahasim me shkurtin, duke kapur nivelin e 12,1% të forcës aktive, në 17 vendet që përdorin monedhën e përbashkët euro.

Në total, 19.2 milionë shtetas të Eurozonës janë të paaftë të sigurojnë një vend punë, ndonëse e kërkojnë një të tillë.

Greqia dhe Spanja janë dy vendet me problemin më të thellë të papunësisë, me nivelin e saj në 27,2% dhe 26,7%.

Secili prej këtyre dy vendeve ka një nivel papunësie mbi 50%, përsa i përket papunësisë së të rinjve, në grupmoshën 18-25 vjeç.

Austria dhe Gjermania janë dy vendet më pak të prekura nga papunësia brenda Eurozonës, me 4,7% dhe 5,4% përkatësisht.

Ndërkohë, të dhëna paralele të Eurostatit treguan se inflacioni eshtë reduktuar në prill në 1,2%, niveli më i ulët i tre viteve të fundit, raporton TCH.