Rekord: Dëbimet me dhunë nga Zvicra

Në 82 për qind të rasteve, palët e prekura janë të shoqëruar nga policia para dhe gjatë fluturimit

(KEYSTONE/Martin Ruetschi)

Në gjysmën e parë të vitit 2017 janë regjistruar 34 raste të dëbimit me të ashtuquajturin “fluturim të veçantë” nga vendi. 67 fluturimet nga viti i kaluar pritet të tejkalohen së shpejti.

Fluturimet speciale janë masa përfundimtare e autoriteteve në dëbimin e personave, shkruan “SonntagsZeitung”. Në 82 për qind të rasteve, palët e prekura janë të shoqëruar nga policia para dhe gjatë fluturimit.

Kjo masë është e destinuar për raste ekstreme individuale, përcjell albinfo.ch.

Megjithatë, vëzhguesit janë të alarmuar se numri është i lartë. Leo Näf, nënkryetar i Komisionit Kombëtar për Parandalimin e Torturës (NKVF), thotë se kjo është një ndërhyrje e rëndë në lirinë personale. “Gjithmonë duhet të ketë një arsye të veçantë për këtë”, thotë ai për “SonntagsZeitung”.

Në gjysmën e parë të vitit 2016 rreth 3500 njerëz duhej të largoheshin nga Zvicra. Në të njëjtën periudhë, në vitin 2017 janë vetëm 2870 raste. Përveç kësaj, 903 njerëz kanë dalë vullnetarisht nga vendi pas një vendimi paraprak të autoriteteve.