Refugjatët padisin Gjermaninë për përpunimin e ngadalshëm të kërkesave për azil

Më shumë se 7,000 refugjatë e kanë humbur durimin me autoritetet gjermane për vonesën e tyre në përpunimin e kërkesave për azil dhe kanë ngritur padi kundër shtetit. Deri në qershor është raportuar për 7014  padi  kundër Zyrës Federale për Migrim dhe Refugjatë (BAMF), sipas mediave gjermane.

Më shumë se 7,000 refugjatë e kanë humbur durimin me autoritetet gjermane për vonesën e tyre në përpunimin e kërkesave për azil dhe kanë ngritur padi kundër shtetit.

Deri në qershor është raportuar për 7014  padi  kundër Zyrës Federale për Migrim dhe Refugjatë (BAMF), sipas mediave gjermane.

Shifrat janë dyfishuar në tremujorin e parë të vitit 2016. Nga fundi i marsit  janë regjistruar 3271 ankesë të tilla ndërsa në maj janë pranuar edhe 5,800 ankesa nga refugjatët.

Sevim Dagdelen, një komisioner gjerman për integrimin dhe deputet nga partia e majtë, fajësoi qeverinë për rritjen e numrit të ankesave nga refugjatët.

“Dyfishimi i numrit të ankesave rreth dështimit është dëshmi e dështimit të qeverisë.”, tha ajo.

Fakti që azilkërkuesit duhet të presin muaj apo edhe vite para se të mund të aplikojnë dhe pastaj të presin që ajo të jenë të përpunuara është “helm për integrimin e refugjatëve,” shtoi Dagdelen.

Zëdhënësja e BAMF, megjithatë, e quajti përhapjen e padive “fenomen të përkohshëm”, duke thënë se numri ka gjasa të zvogëlohet.

Deri në 300,000 refugjatë pritet të mbërrijnë në Gjermani këtë vit, tha Frank-Juergen Wise, kreu i zyrës për migrim në vend. Numri është dukshëm më i ulët se shifrat e vitit të kaluar. Në vitin 2015, Gjermania mirëpriti më shumë se një milion refugjatë.