Reagime pozitive nga projekti i parë i testit të kanabisit në Zvicër

Keystone ( AP Photo/ Ermindo Armino)

Studimi “Weed Care”, një projekt pilot për shpërndarjen e kontrolluar të kanabisit, u lançua në Basel-City në vitin 2023.

Rezultati i projektit ka qenë pozitiv, sipas Departamentit të Shëndetësisë të kantonit, përcjell albinfo.ch.

Së pari, asnjë nga pjesëmarrësit e studimit nuk raportoi se numri i ditëve të konsumit apo sasia e kanabisit të konsumuar është rritur, pavarësisht disponueshmërisë ligjore.

Për më tepër, Departamenti i Shëndetësisë raportoi se “studimi tregon efekte pozitive në shëndetin mendor të pjesëmarrësve”.

Gjatë kohëzgjatjes së studimit, “sjellja e varësisë, si dhe simptomat e depresionit dhe ankthit, janë ulur”.

Këto gjetje, së bashku me rezultatet e projekteve të tjera pilot që po zhvillohen aktualisht në Zvicër, “do të ofrojnë një bazë të shëndoshë për një politikë të përgjegjshme të kanabisit”, tha Departamenti i Shëndetësisë.