Bota
Raportimet e abuzimeve seksuale në kisha, bëhen të detyrueshme nga Papa
Papa Françesku e ka bërë të detyrueshëm për klerikët e Kishës Katolike Romake që të raportojnë rastet e abuzimeve seksuale dhe raste të tjera të ngjashme që mund të ndodhin në kisha.
Përmes një letre, që është kthyer në ligj për kishat, ai e ka bërë të qartë se çfarëdo abuzimi që përfshin shfrytëzimin e pozitës, do të konsiderohet sulm.
Ky sqarim është konsideruar si mesazh për hierarkinë e kishës se askush nuk do të përjashtohet nga ndëshkimi.
Kreu i Selisë së Shenjtë pati premtuar në muajin shkurt se do të marrë hapa konkretë për të luftuar abuzimet seksuale.
Udhëzimet e reja janë mirëpritur nga disa komentatorë të Vatikanit, të cilët kanë thënë se këto masa përbëjnë përpjekje të duhura për t’u dhënë fund abuzimeve në kisha.
“Krimet e lidhura me abuzimet seksuale ofendojnë Zotin tonë, shkaktojnë dëme psikologjike e shpirtërore te viktimat dhe dëmtojnë komunitetin e besimtarëve”, ka shkruar Papa në letër.
Aktualisht Papa Françesku është duke u përballur me presion serioz, pasi është duke iu kërkuar që të gjejë zgjidhje për problemet më të mëdha me të cilat është duke u përballur Kisha Katolike në kohët moderne.
Kur është zgjedhur në këtë pozitë më 2013, Papa Françesku pati bërë thirrje për “masa vendimtare” kundër këtyre abuzimeve, mirëpo megjithatë kritikët kanë thënë se ai nuk ka bërë shumë në të mbajturit përgjegjës peshkopët që kanë qenë të përfshirë në raste të tilla.
Mijëra persona besohet se kanë qenë pre e abuzimeve të priftërinjve përgjatë dekadave, derisa krerët e kishave janë akuzuar për mbulim të këtyre krimeve në gjithë botën.
Të mbijetuarit kanë thënë se duhet të ekzistojnë protokolle të veçanta, në mënyrë që të mbrohen të vegjlit nga akte të tilla, shkruan Radio Evropa e Lirë, përcjell Albinfo.ch.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri