Raporti i parë për Kosovën mbi bashkëpunimin universitet-biznes

Këto ditë në Kosovë është hartuar raporti i parë i Kosovës i realizuar nga ekspertë të ndryshëm ndërkombëtarë që merren me bashkëpunimin e arsimit të lartë dhe biznesit.

Ky bashkëpunim mes universiteteve dhe bizneseve në Kosovë, sipas raportit është nën mesataren evropiane, por perceptimi i pedagogëve universitarë ofron shenja pozitive për të ardhmen, megjithatë, faktorët kontekstualë duket se dukshëm pengojnë zhvillimin e këtij bashkëpunimi, përcjell albinfo.ch

Kështu thuhet në raportin kombëtar mbi studimin e UBC-së në Kosovë, e matur nga perspektiva e institucioneve të arsimit të lartë. Rezultatet e paraqitura në këtë studim janë pjesë e Monitorimit Global të Angazhimit Universitar (Global University Engagement Monitor – GUEM).

Bashkëpunimi midis universiteteve dhe bizneseve po bëhet më i zakonshëm si një mënyrë e mundshme për të trajtuar problemet institucionale siç janë bizneset që kanë nevojë për talent dhe inovacione, si dhe universitetet duhet të jenë relevante për tregun e punës dhe transferimin e rezultateve të hulumtimit.

Ky ‘pilotprojekt’ pret të ketë mbështetje nga qeveria e re, në menyrë që të arrijë realizimin brenda në Kosovë.

Ky raport ka ardhur si rezultat edhe i kontributit në nivel ndërkombëtar të Dr. Remzie Shahini-Hoxhaj, profesoreshë në Universitetin e Prishtinës, në degën e Gazetarisë, e që rezultoi të realizohet për herë të parë në Kosovë.

Ajo dhe ekspertë të tjerë të fushës,  në emisionin “Start Up” mbrëmë kanë treguar për rëndësinë e ketij raporti dhe gjendjën në të cilen qendron Kosova sa i përket bashkëpunimit universitet-biznes, përcjell albinfo.ch