Radhë të gjata për t’u vaksinuar, qytetarët ankohen për mosorganizim

Rendi i gjatë i pritjes është shkaktuar në sallën “1 Tetori” në ditën kur është paraparë të nisë procesi i vaksinimit kundër COVID-19 të grupit të qytetarëve mbi 65-vjeç.

Ende po vazhdon procesi i vaksinimit anti COVID-19 në sallën “1 Tetori”, ndërsa sot ka filluar vaksinimi i grup-moshave mbi 65 vjeç, ku interesimi i tyre për marrjen e vaksinës është shumë i madh, përcjell albinfo.ch.

Para sallës “1 Tetori” shihen numër i madh i qytetarëve, të cilët kanë shprehur interesimin për t’u vaksinuar.

Njoftimi theksonte se fillimisht do të vaksinohen personat nga rajoni i Prishtinës, Podujeva, Obiliqi, Fushë-Kosova, Drenasi e Lipjani. Vaksinimi do të bëhet në sallën “1 Tetori” në Prishtinë nga ora 08:00 deri në orën 19:30.

Ndërkohë të premten, nga ora 08:00 deri në orën 19:30 do të vaksinohen personat mbi 65 vjeç në sallën “1 Tetori” në Prishtinë, si dhe në QKMF në të gjitha komunat.

---