Qyteti Rheinfelden fiton çmimin “Wakkerpreis”

Rheinfelden-i «e tregon në mënyrë shembullore se si cilësia e jetës mund të rrite në një qytet edhe përmes komunikimit me nivel përtej kufijve"

«Wakkerpreis» është një çmim që institucioni zviceran për mbrojtjen e monumenteve (Heimatschutz) ia ndan për çdo vit një qyteti të vendit. Me atë rast ai vlerëson kualitetin e jetës, planifikimin hapësinor, ruajtjen e monumenteve etj.

Për vitin 2016, çmimin «Wakkerpreis» e ka fituar qyteti Rheinfelden, në kantonin Aargau, që është në kufi me Gjermaninë, nga e cila e ndan lumi Rajna (Rhein), prej nga ka marrë dhe emrin.

Në rastin e këtij qyteti, komisioni që ndan çmimin ka vlerësuar lart sidomos faktin se si Rheinfelden-i «e tregon në mënyrë shembullore se si cilësia e jetës mund të rrite në një qytet edhe përmes komunikimit me nivel përtej kufijve”.

Qyteti i vjetër, ndërtimet e reja dhe hapësirat e gjelbra janë lidhur në mënyrë optimale mes vete përmes një rrjeti të shtigjeve për këmbësorë dhe për biciklistë. E gjkithë kjo falë planifikimit hapësinor largpamës”.

Ajo që ngre veçanërisht peshë për «Heimatschutz» në rastin e ndarjes së këtij çmimi është bashkëpunimimi i ngushtë me qytetin matanë lumit, në Gjermani, që ka të njëjtin emër. Autoritetet dhe adminstratat e qyteteve në këtë anë dhe në anën tjetër të Rajnës këmbehen mes vete në mënyrë periodike.