Qeveria e Zvicrës mori vendimin të blejë 36 avionë luftarakë F-35A

Sipas Këshillit Federal, kostoja e blerjes së avionët 36 F35-A arrin në 5.068 miliardë, që tregon se bëhet fjalë për ofertën më të lirë nga të gjithë ofruesit

Këshilli Federal ka vendosur në favor të blerjes së 36 aeroplanëve luftarakë F-35A.

Nga ora 16 pasdite, ministrja e mbrojtjes, Viola Amherd ka mbajtur konferencë me gazetarët, me ç`rast ka dhënë nformacione në lidhje me prokurimin e avionëve luftarakë, aporton  srf.ch.

Avionët luftarakë F-35A janë prodhim i kompanisë amerikane Lockheed Martin.

Përveç kësaj, Këshilli Federal synon të aplikojë për pesë njësi zjarri anti-ajrore “Patriot” nga prodhuesi amerikan “Raytheon”.

Me rastin e vlerësimit të bërë, sipas Këshillit Federal, dy sistemet e përmendura kanë treguar përfitimin më të lartë të përgjithshëm dhe, në të njëjtën kohë, kostot më të ulëta të përgjithshme.

Këshilli Federal është i bindur se të dy sistemet janë më të përshtatshmet për të mbrojtur popullatën zvicerane nga kërcënimet ajrore edhe në të ardhmen.

Të katër kandidatët (Eurofighter, F / A-18 Super Hornet, F-35A, Rafale) do të kishin përmbushur kërkesat e Zvicrës, shkruan Këshilli Federal, transmeton albinfo.ch. Por, në vlerësim, F-35A ka arritur 336 pikë – ky është një ndryshim i qartë prej 95 pikësh ose më shumë në krahasim me kandidatët e tjerë.

Sipas Këshillit Federal, kostoja e blerjes së avionët 36 F35-A arrin në 5.068 miliardë, që tregon se bëhet fjalë për ofertën më të lirë nga të gjithë ofruesit, transmeton albinfo.ch. F35-A është gjithashtu më i lirë për sa i përket kostove operative.

Kostot totale, të cilat përbëhen nga prokurimi dhe kostot operative, arrijnë në rreth 15.5 miliardë franga gjatë 30 viteve për F-35A, shkruan Këshilli Federal. Diferenca me kandidatin e dytë më të lirë është prej 2 miliard CHF.

---