Qeveria vendos për iniciativat

Do të votohet për iniciativën që në Këshilli Federal të zgjidhet në mënyrë të drejtpërdrejtë dhe për iniciativën tjetër kundër ashpërsimit të ligjit mbi azilin

Këshilli Federal ka vendosur se për cilat iniciativa do të votojnë zviceranët me të drejtë vote në ditën e votimeve në nivel vendi më 9 qershor. Kështu, me këtë datë do të votohet  për iniciativën e SVP-UDC-së e cila kërkon që në të ardhmen Këshilli Federal (qeveria) të zgjidhet në mënyrë të drejtpërdrejtë nga populli.

Ndërkaq vetë qeveria aktuale dhe parlamenti u kanë rekomanduar votuesve që të hedhin poshtë këtë iniciativë.

Iniciativa tjetër për të cilën pritet të votohet më 9 qershor është ajo kundër revizionit të Ligjit për Azilin. Kjo iniciativë është ndërmarrë nga partitë e majta dhe të gjelbrit.

Ato kritikojnë ndër të tjera, nenin në këtë ligj sipas të cilit kërkimi i azilit në përfaqësitë e Zvicrës jashtë botës nuk merret si bazë për azil si dhe nenin tjetër që e hedh poshtë dezertimin si motiv për njohje të azilit.