Qeveria gjermane parashikon ulje prej 5.5% të prodhimit

Qeveria gjermane do të rishikojë parashikimin e saj për rritjen e produktit të brendshëm (PBB) për vitin 2020, kur të paraqesë një azhurnim të vlerësimeve të saj këtë javë, tha për Reuters të hënën një burim i njohur.

Qeveria tani pret që PBB të tkurret për 5.5% në vitin 2020 krahasuar me një vlerësim të mëparshëm për një rënie prej 5.8%, tha burimi.

Kjo do të thotë se recesioni i shkaktuar nga pandemia e koronavirusit do të jetë pak më i butë se humbja e prodhimit të shkaktuar nga kriza financiare globale më 2009 kur PBB ra me një rekord 5.7%.

Ministria e Ekonomisë nuk pranoi të komentojë dhe tha se ministri i Ekonomisë, Peter Altmaier, do të paraqiste parashikimin të mërkurën.

Ekonomia gjermane u tkurr me 9.7% në tremujorin e dytë, ndërsa shpenzimet e familjeve, investimet e ndërmarrjeve dhe tregtia u shembën në kulmin e pandemisë. Një lehtësim i masave të bllokimit, shoqëruar me një grup të paparë të paketave të shpëtimit dhe stimulimit, çoi në një rimëkëmbje të fuqishme në tremujorin e tretë, shkruan “Reuters”, përcjell albinfo.ch.