Qeveria e Zvicrës synon uljen e çmimeve të roamingut

Është paraparë luftimi i thirrjeve të padëshirueshme telefonike me qëllim marketingu dhe ulja e taksave për roamingun jashtë vendit

Keystone

Këshilli Federal planifikon që ligjin për telefoni t`ia përshtatë zhvillimeve të reja teknike në fushën e telekomunikacionit, njofton srf.ch. Ndryshimet që do të bëhen duhet të jenë në përputhje me nevojat e konsumatorëve. Ato po ashtu duhet të stimulojnë konkurrencën dhe të sjellin thjeshtësime sa u përket masave administrative, transmeton albinfo.ch. Në mesin e këtyre masave janë paraparë edhe luftimi i thirrjeve të padëshirueshme telefonike me qëllim marketingu dhe ulja e taksave për roamingun jashtë vendit.

Po ashtu sipas planeve të qeverisë, në internet do të bllokoheshin faqet me përmbajtje të ndaluar pornografike ndërsa ofertuesit e internetit do të detyroheshin për të marrë masa mbrojtjeje nga sulmet kibernetike.